Obradoiro: Ferramentas e utilidades para a avaliación e mellora da seguridade en Active Directory

Actividade en formato presencial

Prazas dispoñibles: 20

O obxectivo do taller é coñecer de forma práctica diferentes ferramentas dispoñibles para avaliar e mellorar a seguridade en contornos de Directorio Activo. Verase como instalar e configurar algunhas delas e como aplicalas de forma efectiva, empregando para iso un contorno simulado.

Este taller está dirixido a estudantes de cursos de especialización de ciberseguridade de FP, de máster universitarios de ciberseguridade, de últimos cursos de ciclos superiores da rama de informática de FP, de últimos cursos de grao universitario en informática ou do máster en enxeñería informática, e a técnicos de departamentos IT.

Débese acudir cun portátil con sistema operativo Windows ou GNU/Linux.

É recomendable 16GB RAM mínimo, e 80 GB libres de espazo en disco.

Débese ter instalado Virtualbox (v7.0 ou superior).

É necesario dispoñer dos seguintes coñecementos previos: manexo de máquinas virtuais (preferiblemente en Virtualbox) e coñecementos básicos de administración de contornos de Directorio Activo.

Taller impartido por: Andrés del Río, Profesor da familia profesional de informática e comunicacións, Curso de Especialización en ciberseguridade en contornos IT, CIFP Rodolfo Ucha Piñeiro