Rede de Laboratorios e Centros Demostradores de Ciberseguridade da Xunta de Galicia

Está composto por dous laboratorios complementarios. Por un lado, o Laboratorio e Centro Demostrador de Ciberseguridade en Produtos con Elementos Dixitais e, por outro,  o Laboratorio e Centro Demostrador en Ciberseguridade Industrial​. Ámbolos dous traballarán de maneira coordinada para dar resposta aos principais retos da ciberseguridade en Galicia, a través das seguintes liñas de acción principais:

• Avaliación da ciberseguridade e contornos de proba

• Asesoramento especializado para o cumprimento normativo

• Capacitación e concienciación en ciberseguridade

• Observatorio no ámbito da ciberseguridade

• Dinamización do ecosistema

Situaranse inicialmente e de xeito temporal na Cidade da Cultura de Galicia e, de xeito definitivo no Centro de Excelencia en Ciberseguridade de Galicia (CECIGA) en San Cibrao das Viñas (Ourense).