Aberta a inscrición para o II Encontro Ciber.gal

Todo disposto para o comezo de segunda edición do Encontro Ciber.gal. Despois do éxito da edición de 2021, o mundo da ciberseguridade española vai estar atento ao que se conte e faga os próximos días 9 e 10 de novembro na Cidade da Cultura de Santiago de Compostela.

O programa inclúe actividades divulgativas diferenciadas para a cidadanía e os profesionais dos sectores público e privado, así como obradoiros, teatro ou concursos abertos á participación de diversos colectivos.

A inscrición é gratuíta e pódense elixir de maneira independente as actividades adicionais, así como consultar o programa completo desde a ligazón referenciada abaixo.