Solucións baseadas en IPsec e tecnoloxía Cisco para a interconexión de redes a través de internet

O obxectivo deste seminario é presentar diferentes alternativas para a interconexión segura de redes a través de Internet. Para isto presentarase a tecnoloxía IPsec e amosarase como configurala en routers Cisco, plantexando diferentes alternativas. Partirase dunha topoloxía sinxela punto a punto e, a continuación, presentarase unha topoloxía multipunto que incorporará distintos desafíos que se resolverán durante a sesión.

O relator será Manuel Bustabad Alonso, experto en IPsec e docente colaborador de Academia Postal no programa Cisco Networking Academy.

• Obxectivos: presentar diferentes alternativas para a interconexión segura de redes a través de Internet.
• Dirixido a: 
  • Persoal técnico das áreas de informática, electrónica e telecomunicacións. Inclúense neste perfil os analistas e administradores de sistemas, operadores e administradores de rede, así como técnicos de operación e mantemento do ámbito de redes e sistemas.
  • En xeral, estudantes ou profesionais TIC con intereses relacionados coas redes de telecomunicacións..