Imaxe
No contexto da Iniciativa Estratéxica de Compra Pública de Innovación (IECPI) de INCIBE, 12 entidades galegas foron adxudicatarias para levar a cabo proxectos de investigación e desenvolvemento en materia de ciberseguridade que axuden a impulsar a I+D+i e a creación de produtos e solucións de ciberseguridade, así como afrontar os grandes retos sociais relacionados con este ámbito como reducir a fenda dixital, ou mellorar os servizos públicos.
A IECPI está dotada cun orzamento global de 224 millóns de euros, no marco do Plan de Recuperación, Transformación e Resiliencia (PRTR) co financiamento dos Next Generation EU e está asociada ao Compoñente 15. Investimento 7 Ciberseguridade: Fortalecemento das capacidades de cidadáns, PEMES e profesionais e impulso do sector. Trátase da maior iniciativa mundial de Compra Pública precomercial coa que se xerarán solucións e produtos de I+D+i en ciberseguridade.
Así, esta iniciativa representa unha oportunidade para que o tecido empresarial galego ao redor da ciberseguridade consiga demostrar a súa madurez e logre impulsar a súa innovación e competitividade a nivel nacional no ámbito da ciberseguridade. Neste sentido, as adxudicacións distribuíronse en 3 convocatorias de Compra Pública Precomercial, das cales xurdiron 21 proxectos entre 12 entidades galegas:
- Centro Tecnolóxico de Automoción de Galicia (CTAG)
- Proxecto ASCAN para a ciberseguridade no vehículo conectado
- Councilbox Technology
- Proxecto ACID para xestión de identidades
- Emetel Sistemas
- Proxecto BESOC para SOC en sectores críticos
- Forensic & Security
- Proxecto SSOT para SOC en sectores críticos
- Gradiant
- Proxecto FHaaS para SOC en sector financeiro e tributario
- Gradiant e Sixtema
- Proxecto PROPHET para sistemas para a protección fronte a ataques contra o espectro electromagnético
- Proxecto SafeNet_UEBA para SOC de sectores críticos
- Instituto Tecnolóxico de Galicia
- Proxecto TRUSTED para a ciberseguridade no vehículo conectado
- Tarlogic
- Proxecto Pyxis para sistemas innovadores para a avaliación, cumprimento normativo e certificación
- Tecdesoft e Inprosec
- Proxecto POSEIDO para SOC no sector da auga
- Tecnoloxías Plexus
- Proxecto XAIAL para xestión de incidentes
- Proxecto ISpEDX para solucións para a seguridade de datos
- Proxecto ESPerCS para a ciberresiliencia da cadea de subministración
- Proxecto TMECaas para solucións innovadoras en ciberseguridade para redes 5G
- Proxecto EnSDegA para a ciberseguridade no vehículo conectado
- Proxecto SiCoRHA para seguimento de transaccións vinculadas con ransomware
En total, adxudicáronse máis de 30 millóns de euros para financiar os 21 proxectos nados do ecosistema de ciberseguridade galego.
Para máis información sobre a Compra Pública de Innovación impulsada desde INCIBE e as súas próximas convocatorias, podes acceder á seguinte ligazón: https://www.incibe.es/industria-cpi
