Aberta a convocatoria do Programa Europa Dixital para o despregue de accións de ciberseguridade

Imaxe

O Programa Europa Dixital (DEP), que propón unha liña de financiación centrada na dixitalización das entidades, vén de abrir unha nova convocatoria para a recepción de propostas relacionadas co despregue de accións de ciberseguridade. O prazo de presentación de solicitudes permanecerá aberto ata o martes 26 de marzo de 2024.

Se cres que pode ser de interese para a túa empresa, podes consultar toda a información relacionada nos pregos da convocatoria.

E cales son os pasos para facer unha solicitude?

  1. Localiza a liña específica á que te queres presentar a través do portal de Oportunidades de Financiamento e Licitación, na páxina de Temas da sección de busca de financiamento e licitacións (Search Funding & Tenders section). Para atopala máis facilmente introduce no buscador o código da convocatoria: DIGITAL-ECCC-2024-DEPLOY-CYBER-06.
  2. Analiza detalladamente as condicións e a documentación que deberás presentar.
  3. Elabora a túa proposta. Cando a prepares, asegúrate de completar toda a información requirida:
    • Formulario da parte A: información administrativa e orzamento.
    • Formulario da parte B: desenvolvemento da proposta (debes descargalo, completalo e volvelo a subir á plataforma).
    • Todos os anexos obrigatorios e a documentación de apoio que consideres necesaria.
  4. Por último, envía electronicamente a túa solicitude. Para iso usa os formularios específicos que atoparás na páxina de detalle da liña temática á que presentes a túa proposta.

E lembra, non se aceptan os envíos en papel!