A Amtega celebrará o martes 30 de xuño, de 9:30 horas a 14:30 horas, a xornada de inauguración do Laboratorio e Centro Demostrador de Ciberseguridade da Xunta de Galicia

O vindeiro 30 de xuño terá lugar a xornada de inauguración do Laboratorio e Centro Demostrador de Ciberseguridade da Xunta de Galicia, unha iniciativa orientada a reforzar as capacidades de Galicia en materia de ciberseguridade aplicada a produtos con elementos dixitais, ciberseguridade industrial e contornas OT.

A xornada celebrarase na Sala Eisenman, situada no Edificio CEM da Cidade da Cultura de Galicia, en Santiago de Compostela, e contará coa participación de representantes institucionais, entidades colaboradoras, empresas adxudicatarias dos laboratorios e profesionais especializados no ámbito da ciberseguridade.

Durante o encontro presentarase a visión xeral da iniciativa e daranse a coñecer os dous laboratorios impulsados pola Xunta de Galicia: o Laboratorio e Centro Demostrador de Ciberseguridade en Produtos con Elementos Dixitais e o Laboratorio e Centro Demostrador de Ciberseguridade Industrial. Ambos espazos permitirán avanzar na demostración, experimentación e divulgación de solucións de ciberseguridade aplicadas a ámbitos clave para o tecido produtivo e tecnolóxico galego.

A programación incluirá unha apertura institucional, a presentación dos laboratorios e centros demostradores, así como mesas de expertos centradas na ciberseguridade en produtos con elementos dixitais e na ciberseguridade industrial e contornas OT. A xornada finalizará cun aperitivo, tras o cal se organizarán visitas aos laboratorios por grupos para que as persoas asistentes poidan coñecer de primeira man os espazos, capacidades e demostradores dispoñibles.

Ligazón á incrición aquí 

Programa

09:30 | Recepción de asistentes

10:05 – 10:15 | Apertura institucional 

10:20 – 10:25 | Presentación da axenda da xornada 

• Condutora da xornada - Noelia García Caamaño, Coordinadora da Oficina de Apoio Retech da Amtega 

10:30 – 10:35 | Visión global do proxecto da rede de laboratorios e centros demostradores de ciberseguridade da Xunta de Galicia 

• Representante da Axencia para a Modernización Tecnolóxica de Galicia (Amtega) 

10:40 – 11:05 | Presentación do Laboratorio e Centro Demostrador de Ciberseguridade en Produtos con Elementos Dixitais 

• María Rodríguez Castro - Directora Estratéxica do laboratorio

11:10 – 11:35 | Presentación do Laboratorio e Centro Demostrador de Ciberseguridade Industrial 

• Jose A. Cascallana Arroyo - Director do laboratorio IC

11:40 – 12:10 | Pausa café 

12:15 – 12:50 | Mesa de expertos: “Ciberseguridade en Produtos con Elementos Dixitais” 

• Modera: En fase de confirmación
• Participan: En fase de confirmación

12:55 – 13:30 | Mesa de expertos: “Ciberseguridade Industrial e Contornas OT” 

• Modera: En fase de confirmación
• Participan: En fase de confirmación

13:35 – 13:40 | Clausura da xornada 

• Damián Rey, Director da Axencia para a Modernización Tecnolóxica de Galicia (Amtega)

13:45 – 14:30 | Aperitivo