Imaxe
A Axencia Española de Protección de Datos (AEPD) anunciou os nomeamentos de Lorenzo Cotino Hueso como novo presidente e Francisco Pérez Bes como adxunto ao presidente, tras ter sido ratificada a proposta do Goberno pola Comisión de Xustiza do Congreso o pasado 19 de febreiro en votación pública por maioría absoluta.
Ábrese unha nova etapa para a axencia tras os case nove anos de presidencia de Mar España Martí, nun momento no que os avances tecnolóxicos, como o auxe dos servizos de Intelixencia Artificial ou o tratamento de datos biométricos, están a supor novos retos para a protección dos datos persoais.
O nomeamento foi recibido con expectación nos sectores xurídico e tecnolóxico, que valoran positivamente a experiencia técnica de ambos nun contexto de crecente complexidade reguladora.
Os mandatos do presidente e do adxunto da Axencia Española de Protección de Datos teñen unha duración de cinco anos e poden ser renovados por outro período de igual duración.
Información relacionada
Ligazóns de interese
