Convocatoria do programa educativo 'Iniciación segura á pegada dixital e ás redes sociais'

Este programa está dirixido a centros educativos sostidos con fondos públicos; o seu obxectivo xeral é capacitar ao alumnado de 2º a 4º de ESO e ciclos formativos básicos de FP no uso responsable das TIC, reforzando a competencia en redes sociais, explicando o concepto de identidade dixital, axudando a configurar a privacidade e ofrecendo ferramentas de axuda.

Trátase dunha serie de talleres prácticos (250 sesións) impartidos nas instalacións de cada centro por persoal experto da Amtega. Desenvolveranse entre outubro de 2024 e xuño de 2025.

A solicitude realizarase por correo electrónico, nun prazo de 15 días tras a publicación da convocatoria (a partir do 12/09/2024). As sesións adxudicaranse por orde de solicitude ata completar as 250.