Convocatoria do programa educativo “V Ciberliga 2023 modalidade preameateur”

Nos vindeiros días dará comezo o prazo de presentación de solicitudes para participar na “V Ciberliga 2023 modalidade preameateur” que se desenvolverá no primeiro trimestre do curso 2023-24 e que se dirixe ao alumnado do cuarto curso de educación secundaria obrigatoria dos centros educativos galegos.

Esta actividade nace para:

• Impulsar a difusión da cultura de ciberseguridade.
• Concienciar ao alumnado en materia de ciberseguridade desde un enfoque real e práctico.
• Contribuír ao desenvolvemento da Estratexia de Convivencia Escolar 2025.

As solicitudes enviaranse á dirección de correo electrónico asesoria.participacioneducativa [at] edu.xunta.gal (asesoria[dot]participacioneducativa[at]edu[dot]xunta[dot]gal) co seguinte asunto: “V CIBERLIGA modalidade preameateur” achegando o Anexo I que figura na Resolución do 13 de setembro de 2023 da Dirección Xeral de Ordenación e Innovación Educativa pola que se convoca a “V CiberLiga 2023 modalidade preameateur” dirixida a centros educativos de Galicia no curso 2023/24.