Fallo de seguridade en Facebook poñía en risco contas de usuarios

Un investigador de Ciberseguridade detectou unha deficiencia na xestión do acceso ás contas da plataforma Facebook que permitía desactivar con relativa facilidade o dobre factor de autenticación.

Ao eliminar esta configuración de seguridade deixábase aos usuarios expostos ante outros ataques, sendo unicamente necesario coñecer o número de teléfono da vítima para levar esta operación a cabo.

Este fallo, parcheado recentemente, podía ser explotado xa que non se establecía un número limitado de intentos á hora de acceder a unha conta utilizando o dobre factor de autenticación a través do SMS.

A lección que se debe extraer do achado é que mesmo as medidas de seguridade máis avanzadas son ineficaces se non se configuran ben.