Nova edición do curso de INCIBE para potenciar o talento en ciberseguridade

O Instituto Nacional de Ciberseguridade de España (INCIBE), entidade dependente do Ministerio de Asuntos Económicos e Transformación Dixital, ofrece unha nova edición do curso de formación gratuíto en ciberseguridade, en formato MOOC (Massive Online Open Course). Está dirixido a todas aquelas persoas que queiran incrementar os seus coñecementos neste ámbito, co fin de impulsar a captación de talento no noso país, ante a demanda crecente deste perfil profesional.

A formación consta de 250 horas distribuídas en 17 semanas, do 16 de outubro de 2023 ao 2 de febreiro de 2024. Baixo o título ‘Curso básico técnico de ciberseguridade’, ten como obxectivo ofrecer unha visión xeral das características da tecnoloxía, comezando polos puntos básicos da materia, para dar paso a aspectos máis avanzados. O temario complétase a través de 4 especialidades: ‘Administración de sistemas de ciberseguridade’, ‘Introdución á ciberseguridade industrial’, ‘Análise de incidentes e forense’, e ‘Compliance en ciberseguridade’.