O Real Colexio Escolapios de Monforte de gana a liga de ciberseguridade da Garda Civil

Durante o xoves 13 de marzo tivo lugar a final da sexta edición da National Cyber League da Garda Civil na súa modalidade pre-amateur, celebrada co fin de concienciar e formar aos alumnos de 4º de ESO sobre un uso máis seguro e responsable das novas tecnoloxías.

O equipo gañador foi o formado polo Real Colexio Escolapios de Monforte de Lemos (Lugo), quedando como segundo clasificado o equipo do colexio CIDE de Palma de Mallorca e como terceiro o colexio Retamar de Pozuelo de Alarcón (Madrid). Tamén se entregaron recoñecementos aos patrocinadores e colaboradores da Ciberliga e a todas as Consellerías de Educación das comunidades participantes.

O acto estivo presidido polo secretario de Estado de Seguridade, Rafael Pérez, presidiu a entrega de premios dos gañadores desta fase final. Á final chegaron 27 equipos, de catro alumnos cada un, que competiron por levar o primeiro posto nas instalacións da Academia de Oficiais da Garda Civil en Aranxuez (Madrid).

Ademais, todos os estudantes dos equipos rexistrados, baixo supervisión dos seus centros educativos e dos expertos da Garda Civil, desenvolveron unha acción formativa integral co obxectivo de concienciar sobre o uso seguro e responsable das novas tecnoloxías e aos que se lles proporcionou ferramentas prácticas de autoprotección para unha navegación máis segura.

Desta maneira e, ao longo de toda a competición, os estudantes tiveron que poñer en práctica todo o aprendido previamente para a resolución dos retos propostos, que buscaban reproducir situacións reais durante a navegación polo ciberespazo.