Imaxe
No evento déronse cita preto de cincuenta persoas en representación de entidades dos sectores tecnolóxico, da investigación, do coñecemento, da industria e de organizacións públicas referentes en ciberseguridade en España como o Centro Criptolóxico Nacional.
Durante a asemblea valoráronse positivamente as máis de corenta iniciativas postas en marcha en campos como:
- Concienciación en ciberseguridade, onde destacan a campaña no exitoso programa ‘Dígocho Eu’ (#CiberEsther) e o Concurso Ciberseguridade non Cole!, ámbalas iniciativas orientadas ao público máis novo.
- Difusión de información, por exemplo por medio do novo portal ciberseguridadegalicia.gal.
- Fomento do talento, a través de, entre outras actividades, os Cursos de Especialización en Ciberseguridade impartidos con vocación de continuidade xa en catro localizacións en Galicia.
Destacouse tamén a implicación de diferentes sectores: ademais de coas administracións e universidades públicas galegas, contouse e cóntase para o futuro coa participación da industria da ciberseguridade.
Información relacionada
Ligazóns de interese
