Formulario de consulta: Ciberseguridade para empresas e profesionais

Actividade enmarcada no contexto do Grupo de Traballo de Empresa do Nodo galego de ciberseguridade CIBER.gal, grazas á colaboración de BE:SEC by Emetel, empresa adherida a CIBER.gal, e a Fegamp, entidade fundadora de CIBER.gal.

A través deste formulario, as empresas e profesionais poden realizar consultas a persoas expertas en ciberseguridade relacionadas con aspectos técnicos, estratéxicos ou normativos vinculados á ciberseguridade. As temáticas de consulta inclúen, entre outras:

• Protección de datos e privacidade: medidas de seguridade, cumprimento normativo (LOPDGDD, RGPD).
• Seguridade en redes e sistemas: prevención e detección de intrusións, configuración segura, devasa, VPN.
• Ciberseguridade no posto de traballo: boas prácticas, formación do persoal, protección fronte a malware e phishing.
• Xestión de vulnerabilidades: identificación, análise e recomendacións sobre vulnerabilidades en contornas empresariais.
• Continuidade de negocio e recuperación ante incidentes: plans de continxencia, backups e restauración.
• Cumprimento normativo e certificacións: ENS, ISO/IEC 27001, auditorías de seguridade.
• Seguridade na nube e servizos dixitais: medidas de protección e control.
• Ciberseguridade industrial: protección de contornas OT e infraestruturas críticas.

O formulario de consulta pódese cumprimentar a través da seguinte ligazón.

Nota: As respostas ás consultas expostas terán carácter orientador e non substituirán ao asesoramento legal, auditorías técnicas ou servizos profesionais específicos.