A Axencia Española de Meteoroloxía (AEMET) e o Incibe alertan dunha campaña de smishing (mensaxes de texto SMS fraudulentos) que tratan de sacar proveito da especial concienciación que se despertou en España cara ás alertas meteorolóxicas.
A mensaxe alerta dun evento climatolóxico severo e ofrece un enlace para descargar unha suposta aplicación de AEMET. O enlace descarga un arquivo que contén malware, polo que, no caso de recibilo, debes evitar pulsar sobre el e proceder a borrar a mensaxe.
Se xa descargaches o arquivo, pero aínda non o executaches, recoméndase borralo o antes posible.
Se xa o executaches, probablemente o dispositivo quedase infectado. Podes consultar as suxestións do Incibe (ver enlace abaixo) para proceder á súa desinfección.
