#CiberseguridadeTVG – Móbiles, actualizacións e IA: o uso consciente como primeira barreira de seguridade da man de Fernando Suárez, presidente do Colexio Profesional de Enxeñaría en Informática de Galicia

En Bos Días da TVG (10/12/2025), Fernando Suárez, presidente do Colexio Profesional de Enxeñaría en Informática de Galicia, advertiu que a seguridade non depende só de ter o último móbil, senón do uso e das actualizacións. Salientou que o dispositivo concentra boa parte da nosa vida (mensaxería, fotos, correo, banca) e que cómpre “parar e pensar” antes de actuar, especialmente ante contidos persuasivos ou xerados con intelixencia artificial.

Como riscos, Suárez sinalou: maior exposición dos teléfonos intelixentes polas decisións tomadas con présa e en contextos públicos; almacenamento de datos moi sensibles en móbil (WhatsApp, fotografías, correo, banca e saúde); migración masiva de apps ao cambiar de dispositivo sen usos nin actualizacións; e a reutilización de contrasinais antigas. Ademais, apuntou o uso da IA por parte de ciberdelincuentes para personalizar mensaxes, xerar voces/imaxes e lanzar campañas en redes dirixidas, especialmente a xente nova.

Entre as medidas prácticas propostas: manter o sistema e aplicacións actualizados; non confiar só na ‘última tecnoloxía’ sen hábitos seguros; revisar e desinstalar apps que non se usan; evitar contrasinais repetidas ou débiles; e “pausar” antes de clicar para comprobar a lexitimidade da mensaxe. A idea principal é a conciencia do usuario como primeira barreira de seguridade.

Para ver a entrevista completa, pódese acceder aquí

 https://www.agalega.gal/videos/302654-bos-dias-10-12-2025

e visualizar no minuto 1h22m59s.