Imaxe
No mes de abril dará comezo unha nova edición dun curso gratuíto de ciberseguridade, dirixido a persoas desempregadas e ocupadas interesadas en iniciarse neste ámbito profesional. A continuación preséntase a información principal da formación.
Curso de Técnico de Soporte Certificado en Ciberseguridade
Con esta formación oficial deseñada por Cisco, recórrense as áreas clave para analizar e manter a seguridade da información nas organizacións, incluíndo os sistemas operativos, as aplicacións e as comunicacións en rede. Os obxectivos deste curso son:
-
Explicar e mitigar ciberataques comúns, vulnerabilidades TCP/IP e ameazas á rede
-
Describir principios de seguridade de rede e dispositivos que melloran a seguridade
-
Configurar e solucionar problemas de seguridade en redes sen fíos, Windows e Linux
-
Recomendar medidas de seguridade na nube e técnicas criptográficas
-
Avaliar protección de puntos finais, impactos do malware e vulnerabilidades
-
Usar rexistros e ferramentas de monitorización para mellorar a seguridade
-
Crear políticas de gobernanza, probas de seguridade e avaliar ameazas
-
Aplicar modelos de resposta a incidentes e técnicas forenses
O curso está dirixido especialmente a profesionais de TI que desexen iniciarse no ámbito da ciberseguridade.
Información xeral do curso:
-
Metodoloxía virtual e teleformación.
-
Número de prazas limitado a 20 (mínimo 10).
-
Unha vez finalizado o prazo de inscrición, o 25 de marzo ás 17:30 h realizarase unha proba de selección presencial no CNTG en Santiago de Compostela, que constará dunha proba técnica.
-
A duración do curso será de 100 horas (40h virtuais, 60h teleformación).
-
O curso desenvolverase do 13 de abril ao 13 de maio, cun horario de:
-
Virtual: luns e martes (excepto o 12 de maio) e o mércoles 13 de maio de 16:30 a 20:30.
-
Teleformación: mércoles a venres de 16:30 a 21:30 (excepto o 13 de maio).
-
-
Este curso facilita opción gratuita dun exame de certificación oficial e diploma de asistencia.
Información relacionada
Ligazóns de interese
