Dende o 19 de novembro ata o 7 de decembro estará aberto o prazo de inscrición para o curso gratuíto Certified Cloud Security Professional (CCSP) - ISC2. O curso prepara ao alumnado para o exame CCSP de ISC2 que acredita a profesionais con profundos coñecementos e competencias derivados da experiencia práctica en seguridade cibernética, da información, do software e da infraestrutura de computación en nube.
O obxectivo deste curso é poñer a proba as competencias dos alumnos nos seis dominios CCSP do Common Body of Knowledge (CBK) de (ISC2), que abarcan:
-
Conceptos de arquitectura e requisitos de deseño
-
Seguridade de datos na nube
-
Seguridade de infraestruturas e plataformas na nube
-
Seguridade de aplicacións na nube
-
Operacións
-
Legal & Compliance
Información relevante do curso Certified Cloud Security Professional (CCSP) - ISC2:
-
Metodoloxía virtual.
-
Número de prazas limitado a 16 prazas.
-
Unha vez finalizado o prazo de inscrición, o 10 de decembro ás 16:30 h realizarase unha proba técnica presencial de selección no CNTG en Santiago de Compostela.
-
A duración do curso será de 35 horas.
-
O curso desenvolverase do 26 de xaneiro ao 5 de febreiro co seguinte horario: de luns a venres de 17:00 a 21:00 e o último día de 17:00 a 20:00 h
-
A matrícula é gratuíta, inclúe o diploma de asistencia e a opción gratuíta do exame da certificación oficial CCSP - Certified Cloud Security Professional.
Para obter máis información sobre o curso, pódese acceder ó seguinte enlace da páxina web do CNTG, onde se atopa toda a información detallada e onde se poderá realizar a inscrición: Cursos - Centro de Novas Tecnoloxías de Galicia
Estas formacións gratuítas forman parte do investimento que fai a Consellería de Emprego, Comercio e Emigración no marco do proxecto do Centro de Innovación e Competencia en Ciberseguridade, no contexto do Programa RETECH. No proxecto do Centro participan as comunidades de Galicia, Cataluña e Valencia, estando liderado desde a rexión galega pola Axencia para a Modernización Tecnolóxica de Galicia (Amtega).
