As principais aplicacións de videoconferencia cumpren co ENS

Existen moitas contornas nos que as videoconferencias se asentaron como elemento vertebrador da comunicación corporativa. Tamén existe unha ampla variedade de opcións para elixir a aplicación que permite levalas a cabo; como se pode saber se a que estamos a utilizar ofrece suficientes garantías de seguridade? 

Cando se fala de videoconferencias, o primeiro aspecto de ciberseguridade que adoita vir á mente é a confidencialidade: non se admitiría un servizo que non garantise que a información tratada está protexida fronte a divulgacións non desexadas. Pero a ciberseguridade contempla outras ‘dimensións’ (integridade, dispoñibilidade, autenticidade…) que poden ter tanta ou máis importancia para garantir o bo uso de calquera servizo. Todos estes aspectos deben ser rigorosamente analizados e protexidos sen deixar flancos vulnerables.

Existen varios sistemas que permiten valorar a correcta aplicación das medidas de seguridade necesarias para protexer os servizos informáticos. Na Administración Española é de obrigado cumprimento o Esquema Nacional de Seguridade: todas as administracións públicas e todas as compañías que lles presten servizos que se relacionen coas Tecnoloxías da Información deben cumprir co ENS.

En consecuencia, cando se quere manter unha videoconferencia no marco da Administración é necesario facelo a través dun servizo que poida demostrar que cumpre con estas esixencias.

Coa recente incorporación de Zoom, as aplicacións máis populares para videoconferencia (Microsoft Teams, Google Meet e Cisco Webex) están certificadas segundo o nivel Alto do Esquema Nacional de Seguridade, e ofrecen todas as garantías esixibles para ser utilizadas na administración pública. Por suposto, tamén por parte de empresas e particulares que valoren a seguridade das súas comunicacións.