Como facilitar o cumprimento normativo e a ciberseguridade en contornas OT?

Actividade enmarcada no contexto do Grupo de Traballo de Empresas do Nodo galego de ciberseguridade CIBER.gal, grazas a colaboración de InprOTech, empresa adherida a CIBER.gal, e Amtega, entidade fundadora de CIBER.gal.

Sesión formativa gratuíta dirixida ao tecido industrial coa finalidade de ensinar como unha ferramenta de ciberseguridade pode facilitar o cumprimento normativo e a ciberseguridade en contornas OT.

O desenvolvemento da sesión seguirá a seguinte estrutura:

• Introdución á ciberseguridade no sector industrial galego
• Como unha ferramenta de ciberseguridade axuda a cumprir as normativas de seguridade da información nas fábricas
• Demostración da ferramenta

O formato da actividade será EN LIÑA, cunha duración de 60 minutos.

Adicionalmente, a empresa colaboradora poñerá a ferramenta ao dispor de forma gratuíta e por tempo limitado a un número definido de entidades seleccionadas que o soliciten a través da ligazón de inscricións, e sempre que cumpran con polo menos dous dos seguintes criterios:

• Empresas que teñan unha produción automatizada en continuo (por exemplo, unha empresa do metal, aluminio, alimenticia ou de automoción)
• Empresas que xa teñan solucións de ciberseguridade na rede IT
• Empresas que teñan SOC
• Empresas que teñan unha segregación de redes IT e OT definidas

As inscricións están abertas a través da seguinte ligazón.