Imaxe
Nivel de alerta
Alto
A aerolínea Air Europa sufriu un ciberataque que permitiu aos ciberdelincuentes obter os datos das tarxetas bancarias dos seus clientes. A compañía informou a través de correo electrónico a todos aqueles usuarios que foron afectados tras o ataque sufrido. No comunicado indican que os datos que foron subtraídos son unicamente relacionados coas súas tarxetas bancarias e que non se viu afectado ningún tipo de dato persoal.
Os datos comprometidos son:
- Número de tarxeta
- Data de caducidade
- CVV
Descrición de accións para evitar o risco ou solucionalo
A entidade contactou cos afectados a través dun correo electrónico e recomendan cancelar a tarxeta para evitar cargos non autorizados ou fraudes.
Se recibiches un correo de Air Europa comunicando que os teus datos bancarios han podido ser expostos, segue as seguintes recomendacións:
- Vai á web de Air Europa e comproba cal é a tarxeta usada para efectuar pagos.
- Contacta coa túa entidade bancaria e solicita a cancelación da tarxeta se fose necesario ou procede a tomar as medidas preventivas que che recomenden.
- No caso de que che soliciten datos dicindo ser da túa entidade bancaria, non proporciones información persoal nin relacionada coa túa conta ou tarxeta bancaria, a non ser que foses ti quen chamase ao número oficial do teu banco.
- En caso de recibir SMS ou correos informándoche de transaccións non autorizadas, non accedas ás ligazóns nin proporciones credenciais ou datos. Utiliza as canles habituais como a web oficial ou a aplicación para comprobar os devanditos movementos.
- Se se fai un uso non autorizado da túa tarxeta, contacta de inmediato co teu banco e recompila evidencias da fraude para poder interpoñer unha denuncia coas Forzas e Corpos de Seguridade do Estado.
Información relacionada
Ligazóns de interese
