Imaxe
No mes de xuño darán inicio catro novas formacións gratuítas de ciberseguridade, e de seguido se achega a información xeral de cada unha delas.
Certified Computer Hacking Forensic Investigator (CHFI)
O curso enfocase na análise de evidencias da Dark Web, IoT e Cloud Forensics. Os obxectivos deste curso son:
-
Desempeñar un papel activo na investigación e conservación de probas dixitais e non dixitais dun ataque.
-
Utilizar intelixencia de ameazas para anticipar e alertar aos equipos cibernéticos en caso de futuros ataques.
Información xeral do curso:
-
Metodoloxía presencial.
-
Número de prazas limitado a 20 prazas.
-
Unha vez finalizado o prazo de inscrición, o 22 de maio ás 16:30 h realizarase unha proba de selección presencial no CNTG en Santiago de Compostela, que constará dunha proba técnica.
-
A duración do curso será de 48 horas.
-
O curso desenvolverase do 2 ao 13 de xuño, cun horario de luns a venres de 16:00h a 21:00h.
Máis información en: Certified Computer Hacking Forensic Investigator (CHFI) - 2ª edición
Advanced Incident Response, Threat Hunting, and Digital Forensics
O curso enfocase en tácticas avanzadas de caza de ameazas. Algúns obxectivos deste curso son:
-
Aprender e dominar as ferramentas, técnicas e procedementos necesarios para detectar e conter unha variedade de adversarias/os e solucionar incidentes.
-
Identificar e rastrexar o malware cara á súa canle de mando e control (C2) mediante análises forenses e residuos de conexión de rede.
-
Utilizar análise de memoria, resposta a incidentes e ferramentas de caza de ameazas en SIFT Workstation.
-
Rastrexar a actividade de usuarias/os e atacantes .
Información xeral do curso:
-
Metodoloxía virtual.
-
Número de prazas limitado a 10 prazas.
-
Unha vez finalizado o prazo de inscrición, o 22 de maio ás 19:30 h realizarase unha proba de selección presencial no CNTG en Santiago de Compostela, que constará dunha proba técnica.
-
A duración do curso será de 50 horas.
-
O curso desenvolverase do 9 ao 14 de xuño co seguinte horario: o luns de 9:30 a 18:00 horas e de martes a sábado de 10:00 a 18:00 horas.
Máis información en: FOR508: Advanced Incident Response, Threat Hunting, and Digital Forensics - 2ª edición
Certified Information System Auditor (CISA)
O curso está orientado a lograr a certificación CISM, recoñecida internacionalmente como líder para xestores de seguridade da información. Algúns dos obxectivos do curso son:
-
A describir a influencia da propiedade e control do risco no programa de seguridade da información.
-
A aplicar estratexias, suxestións e técnicas para superar o exame.
-
A describir os procesos e métodos utilizados para investigar, avaliar e conter un incidente.
Información xeral do curso:
-
Metodoloxía virtual.
-
Número de prazas limitado a 20 prazas.
-
Unha vez finalizado o prazo de inscrición, o 26 de maio ás 16:30 h realizarase unha proba de selección presencial no CNTG en Santiago de Compostela, que constará dunha proba técnica.
-
A duración do curso será de 30 horas.
-
O curso desenvolverase do 16 ao 25 de xuño co seguinte horario: de luns a xoves de 16:30 a 20:30 horas e o venres de 16:30 a 18:30 horas.
Máis información en: Certified Information System Auditor (CISA)
Seguridade en IoT
O curso céntrase no uso de tecnoloxías avanzadas na avaliación de riscos nos sistemas IoT. Algúns obxectivos deste curso son:
-
Adquirir habilidades de White Hat Hacker para realizar avaliacións de vulnerabilidade e risco en sistemas IoT.
-
Desenvolver competencias necesarias para mitigar eficazmente as ameazas nos sistemas IoT ao longo dos seis temas do curso.
Información xeral do curso:
-
Metodoloxía presencial.
-
Número de prazas limitado a 20 prazas.
-
Unha vez finalizado o prazo de inscrición, o 26 de maio ás 17:30 h realizarase unha proba de selección presencial no CNTG en Santiago de Compostela, que constará dunha proba técnica.
-
A duración do curso será de 40 horas.
-
O curso desenvolverase do 23 de xuño ao 4 de xullo co seguinte horario: de luns a venres de 16:30 a 20:30 horas.
Máis información en: Seguridade en IoT
Todas estas formacións inclúen o diploma de asistencia e a opción gratuíta dun exame de certificación oficial.
Estas formacións gratuítas forman parte do investimento que fai a Consellería de Emprego, Comercio e Emigración no marco do proxecto do Centro de Innovación e Competencia en Ciberseguridade, no contexto do Programa RETECH. No proxecto do Centro participan as comunidades de Galicia, Cataluña e Valencia, estando liderado desde a rexión galega pola Axencia para a Modernización Tecnolóxica de Galicia (Amtega).
