Imaxe
No programa Bos Días da TVG (24/02/2026) abordáronse as estafas en alugueiros vacacionais, un risco crecente para a cidadanía, especialmente cando se contrata a través de redes sociais ou fóra das plataformas habituais. Advertiuse do uso de prezos anormalmente baixos como cebo e da importancia de comparar ofertas similares para detectar posibles fraudes.
Salientouse a necesidade de contratar a través de plataformas recoñecidas, que ofrecen máis garantías, e de verificar que as vivendas conten cun número de rexistro oficial, obrigatorio desde xullo de 2025. Tamén se alertou do uso de fotografías falsas ou de baixa calidade como indicio de estafa.
Finalmente, recomendouse non facilitar copias do DNI, evitar pagamentos por transferencia bancaria e empregar métodos con protección ao consumidor, como a tarxeta bancaria ou intermediarios de pago, para reducir riscos.
Para ver a entrevista completa, pódese acceder aquí:
https://www.agalega.gal/videos/344774-bos-dias-01-04-2026
a partir do minuto 01:36:00.
