O Equipo @ da Garda Civil alerta sobre o aumento de estafas online relacionadas con material escolar e matrículas durante a tempada de regreso a clases. Estes fraudes soen dirixirse a pais e estudantes que buscan ofertas ao comprar materiais educativos ou para inscribirse en cursos.
O Equipo @ da Garda Civil, especializado na investigación de ciberdelitos, alerta sobre un preocupante repunte de estafas online que afecta, principalmente, á compra de pellets, un produto cada vez máis demandado para a calefacción doméstica. Tras o verán e coa chegada do outono, espérase que estes fraudes continúen en aumento, tal como ocorreu o ano pasado.
Actividade enmarcada no contexto do Grupo de Traballo de Empresa do Nodo galego de ciberseguridade CIBER.gal, grazas a colaboración de Balidea, empresa adherida a CIBER.gal, e Fegamp, entidade fundadora de CIBER.gal.
A estafa do "fillo en apuros" evoluciona co uso de intelixencia artificial para imitar voces reais, logrando que vítimas en Vigo e Santiago perderan entre 2.000 e 46.000 €. Os delincuentes alegan urxencias, como móbiles rotos, para solicitar transferencias ou Bizums inmediatos. A policía recomenda desconfiar, verificar a identidade chamando ao número habitual do familiar e contactar co 091 ante calquera dúbida.
Para visualizar o contido desta noticia, accede ao vídeo e diríxete ao minuto 27:15.
Un home de Sanxenxo perdeu 20.000 € tras ser vítima de smishing, unha estafa por SMS na que suplantaron ao seu banco. O home facilitou os seus datos bancarios por teléfono tras recibir unha alerta falsa sobre unha compra non autorizada, un caso que xa investiga a Garda Civil.
Para visualizar o contido desta noticia, accede ao vídeo e diríxete ao minuto 29:07.
As ciberestafas aumentan un 89% durante a época do Nadal xa que son miles as persoas que realizan compras a través de internet. Se es víctima dunha ciberestafa, neste vídeo contámosche como actuar rápido para minimizar o impacto.
Imaxínasche abrir un pdf e que estea encriptado? Decatarche de que non tes acceso aos documentos da túa empresa? E aínda por riba ábrese unha xanela no teu navegador pedindo diñeiro polos teus arquivos... non temas, pero isto ten pinta de Ransomware!
No programa Bos Días da TVG (24/02/2026) abordáronse as estafas en alugueiros vacacionais, un risco crecente para a cidadanía, especialmente cando se contrata a través de redes sociais ou fóra das plataformas habituais
No Lambóns Dixitais da TVG (17/02/2026), Javi Mos (divulgador tecnolóxico e colaborador habitual na Radio Galega e na TVG) abordou un caso de roubo de datos de tarxeta vinculado a campañas de marketing dixital, destacando que mesmo persoas expertas en contornas dixitais poden verse afectadas por este tipo de fraude.
No Bos Días da TVG (19/12/2025), Inés Amor, Policía Nacional, advertiu que nas semanas do Nadal medran as compras en liña e, ao mesmo tempo, as estafas. A idea central da súa intervención é a chamada á prudencia fronte a webs clonadas e ofertas demasiado agresivas, así como os avisos falsos de paquetería que buscan capturar datos.
No programa Hora Galega da TVG, Inés Amor, voceira da Policía Nacional na Coruña, explicou que nas épocas de alta compra (Nadal e rebaixas) increméntanse tamén as tentativas de estafa. A súa tese central é clara: cómpre verificar que navegamos en páxinas “oficiais” e desconfiar das ligazóns que chegan por correo ou SMS, porque as webs fraudulentas imitan o deseño das reais para captar datos persoais e bancarios.
En Hora Galega da TVG (03/12/2025), Senén Barro, director de CiTIUS, abordou como a intelixencia artificial facilita clonacións de voz e imaxe e complica distinguir o real do falso. O punto principal da súa intervención é a chamada á prudencia activa: aplicar razoamento crítico e non actuar de inmediato ante mensaxes persuasivas.
No programa O Termómetro da TVG (28/11/2025), José Julio Fernández, director do Centro de Estudos de Seguridade da Facultade de Dereito da USC, abordou o impacto da intelixencia artificial no aumento das estafas dixitais.
No programa Bos Días da TVG (26/11/2025), Bernardo Viqueira, director de ciberseguridade na consultora galega Dooing IT, abordou o aumento exponencial das ciberestafas durante o Black Friday e datas similares.
Reportaxe no programa “Hora Galega” da TVG que aborda o crecente perigo dos ciberdelincuentes que utilizan intelixencia artificial para clonar voces, co obxectivo de estafar, pedindo diñeiro ou axuda.
Nunha entrevista no programa “Quen anda aí?” da TVG, Inés Amor, portavoz da Policía Nacional, aproveitando a detención dunha presunta autora de 15 delitos de ciberestafa na Coruña, explica o funcionamento sobre diferentes tipos de fraudes dixitais: phishing, vishing ou fraude telefónico bancaria.
