Imaxe
No programa O Termómetro da TVG (28/11/2025), José Julio Fernández, director do Centro de Estudos de Seguridade da Facultade de Dereito da USC, abordou o impacto da intelixencia artificial no aumento das estafas dixitais. Destacou que a IA automatiza procesos que antes requirían equipos completos, potenciando así a capacidade dos ciberdelincuentes. A súa tese principal: a IA facilitou que o ciberdelito sexa máis rápido, máis masivo e máis difícil de detectar.
Segundo Fernández, os riscos máis relevantes inclúen: a automatización completa dos ataques grazas á IA; a capacidade dos estafadores para suplantar entidades bancarias e mover grandes cantidades de diñeiro en segundos; e o incremento das estafas durante o Black Friday e o Nadal, cando as ciberestafas aumentan ata un 89% respecto de 2023.
Entre as recomendacións achegadas polo entrevistado e polos expertos consultados: manter a calma e aplicar sentido común antes de interactuar con mensaxes sospeitosas; evitar compras impulsivas durante campañas de descontos; desconfiar de ofertas excesivamente atractivas; e non actuar de forma reflexiva ante correos, SMS ou chamadas. Os expertos lembran que as promocións festivas adoitan agochar un risco máis elevado de fraude.
Para ver a entrevista completa, pódese acceder aquí e visualizar no minuto 1:06:00.
Información relacionada
Ligazóns de interese
