Informe de Ciberalertas OT II
O Informe de Ciberalertas – II do Observatorio de Ciberseguridade Industrial ofrece unha visión práctica sobre a priorización de vulnerabilidades en contornos industriais (ICS/OT). Esta segunda entrega céntrase en como tomar decisións eficaces nun escenario no que o volume de vulnerabilidades publicadas supera amplamente a capacidade real de parcheo das organizacións.
O documento revisa enfoques e métricas complementarias para priorizar actuacións, recolle boas prácticas de xestión de vulnerabilidades e medidas compensatorias cando o parcheo non é viable, e complétase cunha selección de alertas críticas do trimestre e recursos útiles para o seguimento de avisos de seguridade.
En conxunto, trátase dun recurso orientado a apoiar a toma de decisións de responsables técnicos e de negocio, reforzando a utilidade do Observatorio como ferramenta de referencia para o ecosistema industrial galego.
