Capture the Flag

Prazas limitadas. A inscrición ao evento é gratuíta e está dispoñible aquí: https://inscricioncibergal.ciberseguridadegalicia.gal/gl/

Competición patrocinada por Gradiant e integrada no VI Encontro Galego de Ciberseguridade CIBER.gal. A actividade consiste nunha serie de retos deseñados para poñer a proba os coñecementos e habilidades das persoas participantes no ámbito da seguridade de sistemas e aplicacións. Entre as categorías que poderán atoparse inclúense: 

• Criptografía e Esteganografía: retos relacionados coa ocultación e descifrado de información.
• Explotación: identificación e explotación de vulnerabilidades en aplicacións web e binarios.
• Forense: extracción e análise de información a partir de evidencias dixitais.
• Enxeñaría Inversa: análise do funcionamento interno de aplicacións e programas.
• Recoñecemento: recompilación e análise de información sobre sistemas e contornos dixitais.
• Intelixencia Artificial: retos vinculados ao uso e comprensión de técnicas e ferramentas relacionadas coa IA.

Cada desafío superado outorga unha puntuación en función da súa dificultade. A clasificación final determinarase polo total de puntos acadados e, en caso de empate, polo tempo empregado na resolución dos retos. 

Haberá premios para o 1º clasificado (portátil + Flipper Zero) e para o 2º clasificado (Flipper Zero). As persoas gañadoras anunciaranse durante o acto de clausura do evento de día 5 ás 14:15h, no que se realizará tamén a entrega dos premios. 

A participación é individual. As persoas interesadas deberán inscribirse a través do formulario dispoñible aquí: https://inscricioncibergal.ciberseguridadegalicia.gal/gl/. 

É necesario ser maior de idade e acudir co propio ordenador portátil.