Imaxe
09:50 - 11:55
Sala 8 do Edificio Fontán (Cidade da Cultura, Santiago de Compostela)
Prazas limitadas. A inscrición ao evento é gratuíta e está dispoñible aquí: https://inscricioncibergal.ciberseguridadegalicia.gal/gl/
Neste obradoiro práctico abordarase o concepto de persistencia e a súa relevancia dentro da Cyber Kill Chain, combinando unha visión ofensiva e defensiva para comprender como os atacantes manteñen o acceso aos sistemas comprometidos e como as organizacións poden detectar e mitigar este tipo de técnicas.
Ao longo da sesión poñeranse en práctica diferentes mecanismos de persistencia empregados en sistemas Linux, analizando os principios nos que se sustentan, o seu impacto nos sistemas e os rastros que deixan para facilitar a súa identificación e monitorización.
Entre as técnicas da matriz MITRE ATT&CK que se traballarán inclúense:
- Account Manipulation
- Boot/Logon Initialization Scripts
- Create Account
- Create/Modify System Process
- Event Triggered Execution
- Modify Authentication Process (PAM)
- Scheduled Task/Job
- Server Software Component
Ademais da implementación manual destas técnicas, presentaranse ferramentas que permiten automatizar o seu despregamento de maneira rápida e sinxela, facilitando ás organizacións a validación das capacidades dos seus sistemas de detección e monitorización fronte a este tipo de ameazas.
O obradoiro está dirixido ao persoal técnico, tanto de perfil ofensivo como defensivo. É necesario ter coñecementos de virtualización e manexo básico de sistemas Linux.
Deberase traer un portátil co software de virtualización VirtualBox e capacidade para executar unha máquina duns 6 GB de RAM. Uns días antes do obradoiro proporcionaráselles ás persoas asistentes unha máquina virtual coa que traballar ao longo da sesión, xunto coas instrucións.
Obradoiro impartido por Manuel González - Profesor do Curso de Especialización en Ciberseguridade IT do IES San Clemente.
