Xornada informativa: Ciberseguridade para pemes e autónom@s

A Oficina Acelera Pyme Asime Vigo organiza o día 12 de maio, en colaboración con Amtega (Axencia para a Modernización Tecnolóxica de Galicia), unha xornada informativa sobre Ciberseguridade para pemes: o poder das persoas, dirixida a pemes, persoas autónomas e emprendedoras totalmente DE BALDE.

A sesión, impartida por expertos de Govertis (Telefónica Tech), centrarase en concienciar sobre a importancia do factor humano na seguridade dixital e nela se explicarán contidos clave como:

• Protección do posto de traballo: Seguridade en credenciais e dispositivos.
• Comunicacións seguras: Uso correcto do correo electrónico e dispositivos móbiles.
• Enxeñaría Social: Como funcionan os procesos de manipulación e engaño.
• Phishing: Identificación de ataques, impactos e tipos de modalidades.
• Detección de Malware: Como prever infeccións nos sistemas da empresa.
• Boas prácticas: Pautas e consellos para aplicar na contorna corporativa e persoal.