Obradoiro: Introdución á análise forense en dispositivos móbiles

Prazas limitadas. A inscrición ao evento é gratuita e está dispoñible nesta ligazón:

INSCRICIÓN

Neste obradoiro utilizaremos técnicas e ferramentas de Análise Forense de Dispositivos Móbiles para resolver un caso ficticio de recualificación ilegal de terreos e suborno entre empresarios e políticos. 

Primeiro, empregaremos a ferramenta Cellebrite Reader para unha análise preliminar dos tres dispositivos móbiles incautados: dous Android pertencentes a dous políticos e un iPhone dun empresario da construción, que ademais é presidente dun equipo de fútbol local.

A continuación, utilizaremos outras ferramentas para analizar as xeolocalizacións dos tres implicados, co fin de determinar os seus encontros.

Finalmente, empregaremos as ferramentas Apktool e Bytecode Viewer para descompilar e analizar un malware para Android localizado nun dos tres dispositivos.

Este obradoiro está dirixido a estudantes e profesorado do ciclo superior de FP ou do curso de especialización en ciberseguridade, do grao ou máster universitario en informática, membros das forzas e corpos de seguridade do estado, persoal técnico informático ou de telecomunicacións.

As persoas participantes deberán acudir cun portátil SO Windows 10 ou superior, con 8GB de RAM e 75GB de espazo libre (pode ser mediante máquina virtual de VirtualBox ou vmware), con máquina virtual Java instalada, ferramentas ApkTool e Bytecode Viewer instaladas.

É necesario dispoñer de coñecementos básicos de sistemas operativos

Días antes do obradoiro proporcionarase aos asistentes os materiais do caso para a súa descarga previa ao taller.

Obradoiro impartido por: 

• Rafael López, Profesor da familia profesional de informática e comunicacións, Curso de Especialización en ciberseguridade en contornas IT, CIFP Rodolfo Ucha Piñeiro
• David Diz, Estudante graduado do Curso de Especialización en Ciberseguridade no CIFP Rodolfo Ucha Piñeiro
• Iago López, Estudante graduado do Curso de Especialización en Ciberseguridade no CIFP Rodolfo Ucha Piñeiro