Empresa Cibersegura 2025: convocatoria de axudas para reforzar a seguridade dixital

O Instituto Galego de Promoción Económica (Igape) vén de abrir o prazo para presentar solicitudes á convocatoria Empresa Cibersegura 2025, un programa dotado con 1,5 millóns de euros destinado a impulsar a mellora da preparación dixital fronte ás ameazas cibernéticas nas empresas galegas.

As solicitudes poderán presentarse a partir do sexto día hábil seguinte á publicación da resolución de homologación de provedores no DOG, e o prazo permanecerá aberto ata o 10 de decembro ás 14 h, salvo esgotamento previo do crédito dispoñible.

Beneficiarios

Poderán acollerse ás axudas as empresas galegas que contraten servizos con provedores homologados polo Igape, conforme ás bases reguladoras do programa.

Financiamento

O programa conta cun orzamento total de 1,5 millóns de euros distribuído en dúas anualidades: 

• 350.000 € en 2025
• 1.150.000 € en 2026 

As contías poderán ampliarse segundo a dispoñibilidade orzamentaria.

Prazo de resolución

O prazo máximo para resolver e notificar é de 40 días naturais desde a presentación da solicitude. De non recibir resolución expresa, as solicitudes entenderanse desestimadas por silencio administrativo.

Execución e cobramento

Os gastos subvencionables poderán executarse ata o 30 de novembro de 2026. As solicitudes de cobramento deberán presentarse a través do provedor homologado ata esa mesma data. Ademais, poderán presentarse solicitudes parciais: 

• Ata o 26 de decembro de 2025 para recoñecemento en 2025
• Entre o 1 e o 30 de abril de 2026 para a anualidade 2026
• Solicitude final ata o 30 de novembro de 2026