O centro de investigación atlanTTic da UVigo organiza a terceira xornada centrada en ciberseguridade do ciclo “Conectando en Igualdade”

O Centro de Investigación en Tecnoloxías de Telecomunicación, atlanTTic, da Universidade de Vigo, entidade adherida ao Nodo CIBER.gal, organiza o 14 de maio ás 12:00h a terceira xornada do ciclo “Conectando en igualdade: a transformación do futuro tecnolóxico” no Salón de Graos da Escola de Enxeñería de Telecomunicación da Universidade de Vigo.

A xornada, que tamén será retransmitida en liña a través de UVigo-TV, ten como obxectivo principal fomentar a conciencia social sobre a transformación da tecnoloxía cara a facetas máis inclusivas, feministas e diversas.

Neste sentido, esta terceira xornada do Ciclo céntrase no ámbito da ciberseguridade e contará, entre outras, coa participación de Forensic & Security, entidade adherida ao Nodo CIBER.gal, e Cátedra R, que a conforman R e as Universidades de Vigo e A Coruña, entidades tamén adheridas ao Nodo CIBER.gal. 

O programa completo da xornada é o seguinte:

• 12:00h | Apertura institucional

  • Águeda Gómez Suárez - Directora da Unidade de Igualdade da Universidade de Vigo

  • Martín Llamas Nistal - Director do Centro de Investigación atlanTTic

  • Rebeca P. Díaz Redondo - Directora da Escola de Enxeñaría de Telecomunicación

• 12:15h | Mesa redonda

  • Ana Fernández Vilas - Coordinadora da Cátedra R en Ciberseguridade e do Máster en Ciberseguridade MUniCS. Investigadora de atlanTTic e docente da Escola de Enxeñaría de Telecomunicación da Universidade de Vigo

  • Eduvigis Ortíz - Presidenta e fundadora de Woman4Cyber Spain

  • Pilar Vila - CEO en Forensic & Security

  • Elena Rodríguez Lois - Investigadora da área de Ciberseguridade de atlanTTic

  • Modera: Edita de Lorenzo Rodríguez - Investigadora de atlanTTic, docente da Escola de Enxeñaría de Telecomunicación e Ligazón de igualdade de atlanTTic

• 13:30h | Debate

• 14:00h | Peche da sesión