RedIA: convocatoria de axudas para impulsar tecnoloxías estratéxicas

Red.es vén de abrir o prazo para presentar solicitudes á convocatoria RedIA, unha iniciativa estratéxica dotada con 130 millóns de euros destinada a impulsar proxectos de investigación e desenvolvemento en tecnoloxías clave como a intelixencia artificial, a ciberseguridade, a robótica, o big data ou o internet das cousas (IoT).

As empresas poden presentar as súas propostas desde o 30 de xullo ata o 30 de setembro de 2025 ás 12:00 h, a través da Sede Electrónica de Red.es.

A convocatoria está aberta a empresas con domicilio fiscal en España, que poderán presentar ata tres proxectos, dos cales se financiarán un máximo de dous por entidade.

Financiamento:

· Axuda por proxecto: entre 400.000 € e 5 millóns de euros.

· Cobertura da axuda: entre o 25 % e o 60 % do custo total.

· Os proxectos deben demostrar un efecto incentivador real, é dicir, que sen esta axuda pública non se poderían desenvolver ou faríano de forma limitada.

Tecnoloxías estratéxicas

Entre as tecnoloxías consideradas prioritarias destacan:

· Intelixencia artificial

· Ciberseguridade

· Robótica

· Sensores intelixentes

· Tecnoloxías espaciais

· Navegación avanzada

· Materiais avanzados

· Internet das cousas (IoT)

Importante: quedan excluídos os proxectos do sector sanitario.

Requisitos dos proxectos

Os proxectos deben centrarse no desenvolvemento experimental, incorporando prototipos, probas piloto ou validacións tecnolóxicas. Ademais, deben definir claramente a tecnoloxía empregada e o seu ámbito de aplicación.