Solucións expertas para unha innovación segura

Poñemos á túa disposición as nosas capacidades técnicas para axudarche a validar os teus produtos, cumprir cos estándares europeos e fortalecer a resilencia da túa organización. 

Imaxe
Sala con xente traballando con ordenadores pantallas grandes

Laboratorio e Centro Demostrador de Ciberseguridade en Produtos con Elementos Dixitais da Xunta de Galicia

O Laboratorio e Centro Demostrador de Ciberseguridade en Produtos con Elementos Dixitais ofrece servizos de consultoría especializada, avaliación de seguridade, formación e experimentación tecnolóxica dirixidos a empresas, administracións públicas, centros tecnolóxicos e outras organizacións que procuran reforzar a súa capacidade de ciberseguridade e afrontar de forma segura os retos da transformación dixital. A nosa actividade abrangue tecnoloxías TI, IoT, dispositivos conectados, software, hardware, firmware e comunicacións.

Catálogo de servizos:

  • Avaliación e ensaios de seguridade: Avaliación da seguridade de produtos, sistemas e solucións mediante análises técnicas e probas orientadas a identificar vulnerabilidades, debilidades e posibles vectores de ataque.
  • Análise de hardware, firmware e dispositivos: Análise técnica de dispositivos e dos seus compoñentes hardware e firmware para identificar vulnerabilidades, mecanismos de protección e posibles vías de compromiso.
  • Seguridade de software e aplicacións: Avaliación da seguridade de aplicacións e servizos software, incluídas aplicacións web e móbiles, APIs, servizos backend, plataformas de xestión e contornas na nube.
  • Seguridade IoT e dispositivos conectados: Avaliación da seguridade de dispositivos conectados e ecosistemas IoT en diferentes ámbitos de aplicación, desde o fogar e a industria ata a agricultura, as cidades intelixentes (Smart City) e a robótica.
  • Seguridade de comunicacions e conectividade: Análise e validación da seguridade de tecnoloxías, protocolos e mecanismos de comunicación utilizados en contornas conectadas, IoT e sistemas dixitais.
  • Deseño e validación de solucións: Deseño, análise e validación de arquitecturas e solucións de ciberseguridade, verificando a súa integración, configuración e capacidade para protexer os sistemas e dispositivos.
  • Cumprimento normativo e seguridade de produto: Avaliación da seguridade de produtos e solucións en relación cos principais marcos reguladores, normas e estándares aplicables á ciberseguridade e á seguridade de produto.
  • Formación e capacitación: Desenvolvemento de actividades formativas prácticas dirixidas a profesionais, empresas, administracións, centros educativos e cidadanía en materia de ciberseguridade e seguridade de produto.
  • Centro demostrador e experimentación: Dispoñibilidade de contornos reais e demostradores tecnolóxicos para experimentar, validar e mostrar tecnoloxías e solucións de ciberseguridade aplicadas a diferentes sectores e casos de uso.
  • Observatorio tecnolóxico e innovación: Seguimento e análise de tecnoloxías emerxentes, novas ameazas, vulnerabilidades, tendencias, estándares e evolución do mercado para anticipar novos retos e oportunidades en ciberseguridade.
  • Dinamización e colaboración: Impulso de actividades e proxectos de colaboración con fabricantes, empresas, centros educativos e outras entidades mediante visitas, xornadas, demostracións, probas de concepto e retos tecnolóxicos.

Laboratorio e Centro Demostrador de Ciberseguridade Industrial da Xunta de Galicia

O Laboratorio e Centro Demostrador de Ciberseguridade Industrial da Xunta de Galicia é un espazo de vangarda que ten como finalidade fortalecer a protección das infraestruturas críticas e dos procesos produtivos en Galicia fronte ás ameazas dixitais. Este centro actúa como un núcleo de experimentación, validación e demostración de tecnoloxías de ciberseguridade aplicadas ao ámbito de operacións (OT), combinando capacidades de investigación, ensaio e formación especializada para promover un ecosistema industrial máis seguro, resiliente e innovador.

Catálogo de Servizos e Liñas de Actuación:

  • Avaliación e Ensaios de Seguridade: Contornos de proba dedicados á detección e análise de vulnerabilidades en sistemas, procesos, dispositivos OT e comunicacións industriais baixo casos de uso reais.
  • Deseño e Validación de Solucións: Desenvolvemento, implantación e demostración de solucións tecnolóxicas avanzadas orientadas a mellorar a resiliencia e dispoñibilidade das redes industriais.
  • Asesoramento e Cumprimento Normativo: Apoio especializado para a adecuación e cumprimento dos principais estándares, regulacións e marcos normativos do sector (tales como a directiva NIS2 ou a norma ISA/IEC 62443).
  • Capacitación e Formación Práctica: Programas de adestramento, exercicios prácticos, simulacións de ciberataques (CyberRange/CTF) e concienciación adaptados a diferentes perfís profesionais do ámbito industrial.
  • Observatorio Tecnolóxico e Innovación: Análise continua de tendencias, ameazas, mercado e solucións emerxentes en ciberseguridade industrial, así como a elaboración de informes, guías e documentación técnica especializada.
  • Dinamización e Difusión do Ecosistema: Organización de visitas técnicas, obradoiros, demostracións en vivo con maquetas físicas e actividades divulgativas para impulsar a colaboración entre entidades públicas, privadas, centros educativos e a cidadanía.