Imaxe
Co fin de apoiar a cadea industrial galega no proceso de produción de bens e servizos tecnolóxicos de uso dual, a Xunta de Galicia convoca as axudas de Industria Dual destinadas a empresas con centro de traballo en Galicia que proxecten levar a cabo investimentos vinculados aos ámbitos da Seguridade, Defensa e Aeroespacial.
A transformación dixital ofrece grandes oportunidades para as pemes, pero tamén introduce novos riscos que é preciso coñecer e xestionar. A crecente sofisticación dos ciberataques e a incorporación da intelixencia artificial aos procesos empresariais fan imprescindible que as empresas conten coa información e as ferramentas axeitadas para protexer os seus activos dixitais.
A Amtega, en colaboración con AEDeza, organiza unha xornada práctica e participativa dirixida a empresas e equipos directivos baixo o título:
“Está a túa empresa preparada ante un ciberataque?”
A Confederación de Empresarios de Ourense e a Axencia para a Modernización Tecnolóxica de Galicia organizarán unha xornada práctica centrada na xestión e resposta ante ciberincidentes, dirixida ao tecido empresarial galego e orientada a reforzar a sensibilización e preparación das organizacións fronte ás ameazas dixitais.
Gustavo Herva Iglesias representou á Amtega na II Xornada de Ciberseguridade Industrial da Comunitat Valenciana, organizada por CSIRT-CV
O Observatorio nace como un eixo estratéxico orientado á análise de tendencias, ameazas, riscos e oportunidades vinculadas á ciberseguridade industrial, coa finalidade de reforzar a capacidade de anticipación, planificación e resposta das organizacións galegas nun escenario tecnolóxico cada vez máis interconectado
A Axencia para a Modernización Tecnolóxica de Galicia (Amtega), a través do laboratorio e centro demostrador de ciberseguridade industrial, participa nunha nova edición de Galiciencia, o maior evento de divulgación científica e tecnolóxica de Galicia, celebrado en Ourense, achegando ao público asistente iniciativas vinculadas á innovación e á ciberseguridade industrial.
O Nodo Gallego de Ciberseguridade Ciber.gal celebrará o próximo 9 de xuño de 2026, en horario de 10.00 a 14.00 horas, no Parque Tecnolóxico de Galicia – Tecnópole (San Cibrao das Viñas, Ourense), a xornada “Ciberseguridade aplicada: Protexendo as empresas galegas nun mundo dixital”, un encontro orientado a reforzar a seguridade dixital do tecido empresarial galego, organizado pola Axencia para a Modernización Tecnolóxica de Galicia (Amtega), e coorganizada polo Colexio Profesional de Enxeñería Informática de Galicia (CPEIG).
A Axencia para a Modernización Tecnolóxica de Galicia (Amtega) participa no encontro “La Voz da Industria de Galicia 2026”, organizado polo Centro de Ciberseguridade Industrial (CCI), que se celebrará o próximo 4 de xuño de 2026 en Vigo.
A Axencia para a Modernización Tecnolóxica de Galicia (Amtega), e o Clúster Alimentario de Galicia (Clusaga), organizan a Xornada sectorial de laboratorios e demostrador de ciberseguridade industrial (OT): Sector alimentación, que se celebrará o 12 de maio de 2026 no Edificio FEUGA (Santiago de Compostela).
