Capture The Flag – Patrocina: Gradiant

Prazas limitadas. A inscrición ao evento é gratuita e está dispoñible nesta ligazón:

INSCRICIÓN

Competición patrocinada por Gradiant baseada nunha serie de retos clasificados en diferentes categorías e niveis de dificultade para probar coñecementos e habilidades na área da seguridade de sistemas e aplicacións en categorías como: 

• Criptografía e Esteganografía: esta sección enfocarase na arte e a ciencia de ocultar e descifrar información, retando aos participantes para romper códigos e detectar mensaxes ocultas dentro de diversos medios.
• Exploiting: baixo esta categoría, os participantes terán que identificar e explotar vulnerabilidades tanto en aplicacións web como en binarios, poñendo en práctica a súa destreza no diagnóstico e aproveitamento de fallos de seguridade.
• Forense: os competidores mergullaranse no mundo da investigación dixital, extraendo información valiosa de datos aparentemente inocuos ou comprometidos.
• Enxeñería Inversa: este reto convida os participantes a desentrañar e analizar software, permitíndolles entender o seu funcionamento interno e, posiblemente, detectar vulnerabilidades ocultas.
• Recoñecemento: Nesta sección, os participantes deberán empregar técnicas de recompilación de información para identificar potenciais obxectivos ou vulnerabilidades en sistemas e redes.

Cada desafío superado outorga unha "bandeira" (flag), que se troca por puntos, e o obxectivo é acumular a maior cantidade de puntos posibles durante o tempo da competición.

Haberá premios para o 1º (Portátil e Flipper Zero) e 2º (Flipper Zero). Os dous gañadores anunciaranse o 6 de novembro ao redor das 13:25h no Auditorio do Edificio Fontán.

Adicionalmente sortearase un Flipper Zero entre todas as persoas participantes da competición ao finalizar.

Aquelas persoas interesadas deberán inscribirse na páxina web do evento a través do formulario habilitado. O asistente debe acudir co seu propio equipo portátil e requírese ser maior de idade para participar.