Imaxe
Seguridade Zero Trust en Microsoft 365: identidades, accesos e datos baixo control
Este seminario permitirá comprender e aplicar o modelo de seguridade Zero Trust no ecosistema de Microsoft 365, abordando a protección de identidades, accesos e datos nunha contorna corporativa moderna.
Os obxectivos deste seminario son:
- Comprender os modelos crave de seguridade aplicados a Microsoft 365.
- Configurar controis fundamentais: MFA, acceso condicional e directivas de risco.
- Aplicar roles e permisos seguindo boas prácticas.
- Reforzar a seguridade en recursos compartidos, correo e comunicacións.
- Implementar políticas efectivas de prevención de perda de datos (DLP).
Información xeral do seminario:
- Metodoloxía virtual.
- Número de prazas: 230.
- A duración do seminario será de 4 horas.
- O seminario desenvolverase o 10 de marzo de 2026, en horario de 16:30 a 20:30 horas.
- Período de inscrición: do 23 de febreiro ao 9 de marzo de 2026.
Máis información en: Xornadas - Seguridade Zero Trust en Microsoft 365: identidades, accesos e datos baixo control - CNTG
Introdución á análise de malware: técnicas, ferramentas e creación de IOCs
Este seminario ofrece unha visión práctica e introdutoria á análise de malware, abordando técnicas fundamentais, ferramentas especializadas e a creación de indicadores de compromiso (IOCs) para a detección e resposta ante incidentes.
Os obxectivos deste seminario son:
- Comprender os conceptos básicos da análise de malware e a súa importancia en ciberseguridade.
- Aprender a realizar análise estática e extraer información sen executar o arquivo.
- Identificar técnicas para a análise de memoria e detección de actividade oculta.
- Coñecer ferramentas e plataformas para análises en liña.
- Saber xerar IOCs útiles para detección e resposta ante incidentes.
Información xeral do seminario:
- Metodoloxía virtual.
- Número de prazas: 230.
- A duración do seminario será de 4 horas.
- O seminario desenvolverase o 9 de marzo de 2026, en horario de 16:30 a 20:30 horas.
- Período de inscrición: do 23 de febreiro ao 8 de marzo de 2026.
Máis información en: Xornadas - Introdución á análise de malware: técnicas, ferramentas e creación de IOCs - CNTG
Ambos seminarios enmárcanse na aposta pola especialización en ciberseguridade, ofrecendo formación técnica actualizada en ámbitos clave como a protección de contornas corporativas en Microsoft e a análise de ameazas avanzadas.
