Ao redor do 70% da mocidade comparte a súa localización en tempo real as 24 horas do día por sensación de seguridade, pero os expertos advirten que esta práctica pode derivar en control tóxico, perda de privacidade e graves riscos de ciberdelincuencia como grooming ou suplantación. A monitorización constante permite perfilar rutinas dixitais e facilita roubos ao expoñer onde non están os usuarios.
Para visualizar o contido desta noticia, accede ao vídeo e diríxete ao minuto 36:34.
A estafa do "fillo en apuros" evoluciona co uso de intelixencia artificial para imitar voces reais, logrando que vítimas en Vigo e Santiago perderan entre 2.000 e 46.000 €. Os delincuentes alegan urxencias, como móbiles rotos, para solicitar transferencias ou Bizums inmediatos. A policía recomenda desconfiar, verificar a identidade chamando ao número habitual do familiar e contactar co 091 ante calquera dúbida.
Para visualizar o contido desta noticia, accede ao vídeo e diríxete ao minuto 27:15.
Un home de Sanxenxo perdeu 20.000 € tras ser vítima de smishing, unha estafa por SMS na que suplantaron ao seu banco. O home facilitou os seus datos bancarios por teléfono tras recibir unha alerta falsa sobre unha compra non autorizada, un caso que xa investiga a Garda Civil.
Para visualizar o contido desta noticia, accede ao vídeo e diríxete ao minuto 29:07.
Amiga ou inimiga? A intelixencia artificial actúa xa en moitas accións da nosa vida cotiá, máis das que imaxinamos, apuntan os especialistas, pero non sempre co mesmo efecto. Pode ser unha arma que amplifique os ataques pero tamén un método para fortalecer os escudos.
No sector da seguridade informática teñen claro que, a día de hoxe, a IA está presente en moitos dos ciberataques que se producen cada día. A intelixencia artificial permite mellorar as agresións, fainas máis sofisticadas, máis personalizadas, máis cribles.
O Concello de Boqueixón, na Coruña, presentou unha denuncia ante a Garda Civil polo hackeo do teléfono móbil do alcalde, Ovidio Rodeiro, e da directora do colexio CRA Neira Vilas para suplantar a súa identidade e solicitar diñeiro aos veciños do municipio.
Reportaxe da TVG na que se aborda o crecente perigo dos ciberdelincuentes que utilizan intelixencia artificial para clonar voces, co obxectivo de estafar, pedindo diñeiro ou axuda.
Os cibercarrachos usan os teus datos persoais, que se cadra lles facilitaches sen querer, para chamar á túa compañía telefónica e pedir un duplicado da tarxeta SIM do teu teléfono móbil.
Nunha entrevista no programa “Quen anda aí?” da TVG, Inés Amor, portavoz da Policía Nacional, aproveitando a detención dunha presunta autora de 15 delitos de ciberestafa na Coruña, explica o funcionamento sobre diferentes tipos de fraudes dixitais: phishing, vishing ou fraude telefónico bancaria.
Sabes que é o spoofing? Chamar por teléfono á xente facéndose pasar polo banco. É o que facía esta muller.
Lembra, se te chaman dicindo que son do banco desconfía. Chama ti ao teu banco para comprobar que a chamada é real. E nunca compartas por teléfono os teus contrasinais. O teu banco nunca cho vai pedir.
Unha muller francesa perde máis de 800.000 euros ao caer no calote do falso Brad Pitt e pensar que tiña unha relación sentimental co actor norteamericano, motivo polo que os estafadores lograron gañarse a súa confianza utilizando ferramentas de intelixencia artificial.
Este calote tamén chegou a España e só en setembro a Garda Civil detivo 5 persoas e hai outras 10 que están sendo investigadas.
Nesta estafa os cibercarrachos obteñen gravacións de voz das vítimas e, con intelixencia artificial, imitan as voces para enganar familiares e amigos.
Con estes audios falsos pídenlle diñeiro ou outro tipo de accións fraudulentas ao seu círculo máis próximo.
Para evitalo a Policía recomenda ter cos contactos cercanos unha clave secreta, como o nome dunha mascota ou unha data de nacemento, para verificar que son eles.
