Grazas a un acordo asinado entre a Axencia para a Modernización Tecnolóxica de Galicia e o CCI, as entidades adheridas ao Nodo Galego de Ciberseguridade poderán empregar esta plataforma en ata tres proxectos de xeito gratuíto.
No marco das iniciativas do Nodo Galego de Ciberseguridade CIBER.gal, nace no ano 2021 o encontro galego de ciberseguridade, o Encontro CIBER.gal, a xuntanza de referencia en Galicia no eido da ciberseguridade.
Este mestrado forma especialistas na análise de riscos de seguridade en sistemas e instalacións, na identificación de informacións de alto valor e a súa protección, na definición de plans para reducir o risco de ciberataques e para asegurar a ciberdefensa na información e nos procesos de empresas e institucións.
O Nodo Galego de Ciberseguridade pon en marcha o ciclo de actividades de formación, concienciación e orientación para o tecido empresarial galego. En total, están previstas unha vintena de actividades que se desenvolverán ao longo deste primeiro semestre do ano, cunha periodicidade aproximada dunha á semana.
Os alumnos e alumnas de 6º de primaria do CEIP San Martiño e de 2º da ESO do Colexio Escolapios de Monforte de Lemos, foron os gañadores en cadansúa categoría do Concurso Ciberseguridade no cole!, cuxa final se celebrou esta tarde na Cidade da Cultura, dentro do encontro galego de ciberseguridade, Ciber.gal.
O Concurso Ciberseguridade no cole! celebrou o día 4 de novembro a primeira das súas dúas fases, unha competición en liña que contou cunha alta taxa de inscrición, xa que participaron un total de 67 equipos entre as dúas categorías, correspondéndose con 42 equipos de primaria e 25 de secundaria, pertencentes a 38 colexios, 23 de educación primaria e 15 de educación secundaria.
O Edificio Fontán da Cidade da Cultura acollerá os vindeiros días 10 e 11 de novembro o primeiro encontro galego de Ciberseguridade Ciber.gal dirixido a empresas, cidadanía e administracións públicas. Durante dúas xornadas e a través de diferentes actividades e relatorios de expertos de referencia nacional e internacional, abordarase a importancia da Ciberseguridade en Galicia así como as medidas necesarias para avanzar neste ámbito.
O Nodo de Ciberseguridade de Galicia, promovido pola Xunta, convocou un concurso dirixido ao alumnado de 5º e 6º de Primaria e 1º e 2º da ESO con obxectivo de concienciar as persoas menores sobre os riscos aos se enfrontan no uso de tecnoloxías dixitais.
