O Incibe informa dunha campaña de phishing para suplantar a entidades públicas utilizando datos da Plataforma de Contratación do Sector Público.
Os correos electrónicos simulan vir dunha entidade pública coa cal a empresa destinataria ten algún contrato, e poden utilizar información obtida nesa plataforma (número de expediente, nome do contrato) dando credibilidade á solicitude de remisión de facturas para, supostamente, proceder ó seu aboamento.
A Cátedra R en Ciberseguridade, creada en decembro de 2018 en colaboración coas Universidades de Vigo e da Coruña, organiza un ano máis os premios aos mellores traballos académicos e de investigación no ámbito da ciberseguridade.
O Centro Criptológico Nacional (CCN) publicou en Ángeles, o seu portal de formación, capacitación e talento, un novo curso sobre Ciberinteligencia e fontes abertas. Cunha duración de 15 horas, esta formación en liña está dividida en diferentes módulos: introdución á ciberinteligencia, os seus ciclos e fases; as técnicas OSINT (Open source Intelligence); a seguridade operacional (OPSEC); a enxeñería Social; ou os metadatos.
Por primeira vez en Galicia, ofrécese a través do Centro de Novas Tecnoloxías de Galicia (CNTG) e de forma totalmente gratuíta o curso Advanced Incident Response, Threat Hunting, and Digital Forensics, que inclúe a certificación GIAC Certified Forensic Analyst (GCFA) dunha as entidades máis recoñecidas a nivel mundial, o SANS Institute - GIAC Certifications.
O Nodo CIBER.gal organiza o próximo 03 de outubro no Parque Tecnolóxico de Galicia (Tecnópole) en San Cibrao das Viñas, Ourense, a xornada “Galicia segura: innovación e ciberseguridade” no marco do IV Encontro CIBER.gal.
