O Instituto Nacional de Ciberseguridade (INCIBE), fundador do Nodo CIBER.gal e en colaboración co Instituto Nacional de Tecnoloxías Educativas e de Formación do Profesorado (INTEF) e a Axencia Española de Protección de Datos (AEPD), abriu a inscrición para o curso en liña "Promovendo a ciberseguridade e privacidade desde a coordinación TIC".
IBM lanza un programa formativo “IBM Cybersecurity Analyst Professional Certificate” que contén 8 cursos destinados a proporcionar habilidades técnicas para empezar no mundo profesional da ciberseguridade.
O ISMS Forum, entidade adherida ao Nodo CIBER.gal, organiza o próximo 11 de abril, no Auditorio de Abanca en Vigo, o V Foro Rexional ISMS Forum Galicia.
O evento, que transcorrerá entre as 09:15 e as 14:00h., contará coa participación de profesionais e expertos nacionais e internacionais que abordarán entre outros temas a xestión de riscos, a intelixencia artificial e os seus retos e oportunidades para a ciberseguridade.
O próximo 5 de abril, nos centros CIFP Politécnico de Santiago e IES San Clemente celebrarase a I Xornada de Ciberseguridade de Formación Profesional de Galicia.
A xornada, que transcorrerá durante todo o día, está enfocada tanto en ciberseguridade IT como en ciberseguridade OT, e poderán asistir e participar o profesorado e alumnado dos 5 centros que imparten Cursos de Especialización de Ciberseguridade en Galicia, así como o profesorado e o alumnado dos ciclos FP de electricidade e electrónica, e de informática.
O Instituto Nacional de Ciberseguridade (INCIBE), entidade fundadora do Nodo CIBER.gal, lanzou dous novos cursos de formación gratuítos en ciberseguridade dirixidos aos sectores da construción e loxística baixo o nome de Ciberseguridade para microempresas e autónomos.
A Memoria anual correspondente a 2023 destaca a incorporación de 10 novas grandes empresas e a organización e coordinación de actividades de concienciación, capacitación, fomento do talento, servizos de ciberseguridade a administracións públicas e impulso do sector TIC.
